Studosemajnfino


Kiam kaj kie

La sekva studosemajnfino okazos de la 22-a ĝis la 24-a de novembro 2019.
Loko: natuurvriendenhuis Krikkenhaar, Krikkenhaar 11, 7627 PA Bornerbroek (gemeente Almelo).
La kvanto da lokoj estas limigita. Aliĝu kiel eble plej frue por ne maltrafi partoprenon.

Por kiu

Se vi ankor​aŭ ne parolas Esperanton, aŭ se via Esperanto-scio ankoraŭ ne estas kiel vi volas, tiam vi estas bonvena. Ankaŭ progresantoj trovos allogan programon.
La instruisto de la supera grupo verkis jenan enkondukon pri sia kurso.​

Pli da informoj

La organizantoj estas Arjen-Sjoerd de Vries, Lilian van der Burgt kaj Ineke Emmelkamp.
Ilin atingi oni povas retpoŝte: studosemajnfino@esperanto-nederland.nl.
Ĉeestos diversaj instruantoj.
Se vi volas scii pli, alklaku la apudan faldfolion.
Por havi impreson pri studosemajnfino rigardu kelkajn fotojn kaj legu raporton ĉi tie.
Dum la semajnfino ni surtabligas manĝojn nur vegetarajn. Viandaĵoj ja akompanas la panmanĝojn.
Se vi volas partopreni kaj bezonos manĝon specialan pro malsano aŭ konvinko, bv. retpoŝte kontakti Lilian.

Aliĝi

Plenigu la retan aliĝilon.
Ĉu vi preferas aliĝilon paperan? Alklaku ĉi tie kaj printu.

Kostoj kaj pago

Partopreno kostas por persono € 75,-. Membroj de Esperanto Nederland aŭ alia landa asocio € 65,-.
La prezo inkluzivas: la tutan programon, tranoktadon, manĝojn, kafon kaj teon inter la lecionoj.
La semajnfinon ebligas volontuloj. Via aliĝo jam estas valida per antaŭpago de 25 EUR.
La tuta sumo estu en la konto de Esperanto Nederland ne pli malfrue ol la 12-a de novembro 2019.
Atentu pri administraj kostoj (25 EUR) en okazo de nuligo. Evt. plian pagon ni ristornos.
Se vi lastmomente malaliĝas (t.e. en du tagoj antaŭ la komenco de la studosemajnfino) ni principe ne repagos al vi la monon.
Se vi volas aliĝi post la limdato de la 12-a de novembro 2019, bv. kontakti la organizantojn por informiĝi pri ebloj.
La kotizo por ĉi tiu aranĝo estas malalta. Ni deziras ebligi al ĉiu partopreni ĉi tiun semajnfinon. Se vi pretas doni ekstran financan kontribuon, bonvolu indiki sur la aliĝilo la sumon per kiu vi subtenos la studosemajnfinon. Ĉiuj kontribuoj estas bonvenaj!

Triodos Bank nome de Esperanto Nederland en Capelle aan den IJssel,
IBAN: NL10 TRIO 0786 8441 67
BIC-kodo: TRIONL2U
Menciu: 'studosemajnfino'.

Kontanta pago eblos ne dum la aranĝo mem!

Kiel atingi

Per publika transporto

Prenu trajnon al Almelo de Riet.
Bv. rigardi la retejon de publika transporto 9292ov.nl
Ni venprenos vin de la stacidomo, se vi sciigis vian tiean alvenon.
Partoprenantoj ricevos la ĝustan telefonnumeron du semajnojn antaŭ la studosemajnfino.
Trajne

Per aŭto
Internacia vojplanilo
Vojplanilo


Welkom

Esperanto Nederland

Overige

Esperanto leren


Plaatselijke Groepen

Gratis

Geschiedenis

Log in

Bonvenon

Esperanto Nederland

Lokaj grupoj


Instruado

Turista informo

Ceteraj